Β Nagtuo ang mga boxing analyst ug sports scribes nga nidaug si Manny Pacquiao batok ni World Boxing Council (WBC) welterweight champion Mario Barrios sa ilang championship fight didto sa MGM Grand Arena, Las Vegas, USA karungΒ adlawa, Hunyo 20, 2025 (adlaw dinhi sa Pilipinas).Β
Majority draw ang decision human nga ang judges nga sila Tim Cheatham ug Steve WeisfeldΒ pulos ni-score ug 114-114 – samtang 115-113 pabor ni Barrios si Max DeLuca.Β
Ang Pinoy veteran boxing analyst nga si Ed Tolentino niingon nga angayan nga si Pacquiao ang nidaug, kinsa nihulagway sa desisyon sa mga boxing judges nga “madyadong mali.’Β
“I thought Manny Pacquiao won that fight. I scored it 115-113, Manny Pacquiao. He deserved that WBC belt, I thought that majority draw decision na yun ay masyadong mali…for a 46-year old guy, I thought he did enough and I thought he was robbed of a decision win in that fight,” pagbutyag pa ni Tolentino sa dihang gikuhaan sa iyang analysis sa maong boxing championship sa News 5.Β
Alang ni kanhi Agriculture Secretary Manny PiΓ±ol kinsa usa sab ka sports analyst ug veteran journalist, daug sab si Pacquiao.Β
“Beyond the questionable judging of the bout which I believe Manny Pacquiao fairly won, his fight tonight showed a man’s incredible will power to defy age in a tough sport like boxing,” matud pa ni PiΓ±ol sa iyang Facebook post human sa kontrobersyal nga sangka nga gidugok na sab sa mga boxing fans didto mismo sa Las Vegas.Β
Sayo niana gihulagway ni PiΓ±ol ang “incredible judging” sa maong boxingΒ bout ug nipasumbingay sa pulong nga “Las Vegas’, hinoon siya nagtuo usab nga tungod sa maayong comeback fight sa kanhi Senador posible nga dunay nahitabo nga Pacquiao-Mayweather 2.Β
Ang sports editor sa the Freeman Cebu nga si Emmanuel “Manny” Villaruel ni-post sab nga sa “The Freeman-Banat unofficial scorecard,” daug ang kanhi senador nga may dugong Sugbuanon.Β
“115-113 for Pacquiao. The Freeman/Banat News unofficial scorecard,” sumala pa ni Villaruel sa mao niyang FB post nga nipabor sa iyang sangay nga bugtong 8 division world boxing champion.Β
Ang komentaryo sa tulo mao sab sab ang punto sa sports blogger ug analyst nga si Pow Salud.Β
“Sa mata ko si Pacquiao ang Panalo, Still got it – Pow Salud #Boxing #Pacquiao,” matud pa sab sa iyang post.Β
Didto sa Amerika, ang kanhi world welterweight champion ug karun sports analyst nga si Shawn Porter nisaway sab ug maayo sa maong desisyon.Β
“Yes I knew the BS was comin. I’m sick,” matud pa ni Porter.Β
Laing nisaway mao ang sports commentator ug analyst nga si Dan Rafael. “We go to the cards in #PacquiaoBarrios: 115-113 Barrios, 114-114Γ2 – a draw. Barrios retains the WBC welterweight. That’s just absolutely awful. Beyond awful. Complete f*ckeration,” matud pa ni Rafael kinsa kanunay gyud nga mu-cover sa mga duwa ni Pacquiao.Β
Si Pacquiao sa iyang bahin nagtuo sab nga siya gyud ang nidaug.Β
“I thought I won the fight. I mean, it was a close fight. My opponent was very tough. But it was a wonderful fight. ”Β matud pa sa Pambansang Kamao dihang gi-interviewΒ sa American sportscaster/commentator nga si Jim Gray diha mismo ibabaw sa boxing ring human gi-butyag sa boxing ring announcer nga Jimmy Lennon, Jr. ang desisyon sa maong duwa.Β
Taliwala sab hinoon sa kontrobersyal nga desisyon napamatud-an ni Pacquiao nga pwede gihapon siya mag-boxing bisan pa sa pangidaron na niya nga 46 nga nikontra sa kampeyon nga 30-anyos, tataw nga manghod niya ug 16 ka tuig.Β
Hinoon posibleng mahitabo ang rematch sa duha ka mga boksidor nga sumala pa ni Pacquiao pangandaman kini niya ug maayo human niya gibutyag nga duha (2) ka buwan ra siya ni-training sa ilang duwa ni Barrios ug kun madayon ilang “rematch”Β patas-an pa niya ang training ngadto sa tulo hangtud na sa upat ka buwan.Β
Ang maong rematch haum ug angayan gayud arun naresolber kining maong kontrobersyal nga desisyon nga tungod kay dili kumbinsido ang mga boxing fans ug aficionados, napuno gyud ug pagsaway sa mga boxing analysts ug scribes nga atung gihinganlan ug gihisgutan dinhi.
