Sakit nga kamatayon ang nahiaguman sa usa ka dalaga nga criminology student dihang siya gituok sa liog sa ilang silingan nga kawatan didto sa Purok 2, Barangay San Roque, Ozamiz City, Misamis Occidental.Β
Giila sa kapolisan ang biktima nga si Princess Cabanes Eliaca, 20, 3rd-year criminology student sa usa sa mga unibersidad sa naasuyng siyudad.Β
Ang suspek nga si Michael Epong kinsa silingan ra sa biktima nikumpisal sa maong krimen nga nahitabo niadtong Byernes sa kaadlawon, Hulyo 18, dihang nakasulod siya sa kwarto sa biktima samtang kini natulog.Β
Β Gikawat sa suspek ang gold necklace nga iya sa estudyante ug duha ka cellphone niini apan nakamata ang biktima hinungdan nga naglayog sila nga nisangpot na hinoon sa pagtuok.Β
Nadakpan ra sab dayon ang suspek nga nisibat didto ra sa panimalay niini pipila ka oras human sa hitabo ug niangkon kini sa krimen pinaagi sa usa ka “extra judicial confession.”Β
Β Ang suspek niangkon nga hubog siya sa pagkahitabo ug nakahuna-huna sa pagpangawat dihang iyang nakit-an nga abli ang gate sa balay sa biktima ug nilahos sa kwarto niini sanglit wala sab mang-lock ang maong estudyante nga niadtong tungura nag-inusara kay nanglawod ang iyang mga ginikanan samtang wala sab diha ang iyang igsoon nga lalaki.Β
Β Problemado siya sa kwarta matud pa sa suspek nga usa ka minyo ug matud niya pagpangawat ra gyud unta ang iyang tuyo apan kay nakamata ang biktima maong nahitabo ang ilang pagnilabnihay sa gadgets ug nisangpot sa pagtuok arun walay makasumbong sa iyang nabuhat nga krimen.Β
Si Ozamiz City Chief of Police P/LTCOL HARVEY ABELLANOSA nibutyag nga narekober sab nila ang mga gikawat nga butang sa locker room sa gitrabahoan sa suspek didto ra sa Barangay Calabayan sa naasuyng siyudad.
