Trending karun ilabi na sa LGBTQIA community ang sikat nga Cebuano fashion designer nga si AXEL QUE kinsa gipasanginlan nga namugno ug nibun-og sa usa ka gay beauty pageant contestant didto sa lungsod sa Pinamungajan kagabii, Sabado, Hulyo 12, 2025
Ang biktima mao si alias “Julia Avila”, kinsa taga Pinamungajan ra sab ug contestant sa gipahigayun nga ” Queen of Earth 2025 beauty pageant” diin didto sab si Que.
Segun sa mga saksi, si Que nikalit ug adto sa backstage sa maong pageant ug gibugno ug gipadatan si Julia kinsa ni-post sa Facebook sa nahitabo kaniya.
“I’m still crying nag kurog2 pagyud akung kamot og di pa kayko ka lihok kay bunβog kaayu akung batβang og tiil , di pako ka tagsa tagsa og reply Pero salamat kaayu ninyo naka sag muyo og naka hibaw gyud mo nga tinuod ko nga higala . KANANG IKAW VICTIM PERO SIYAY FEELING VICTIM kay lagi sikat siya kay bayut kanal ra daw ko sgee lang ang ginoo ragyud bahala nimo,” tipik sa post ni Avila nag-ingon nga kapin na sa 1,000 ang mga likes ingon man daghang comments ug shares.
Si Avila segun sa post sa higala niini nga si Cliff Tyrone Regasajo Dayon, nagkabingkil ug si QueΒ nga nagsugodΒ nidtong Hulyo 2024 dihang si Avila gikuha ni Que nga maoy iyang make-up artist sa iyang mga models sa usa ka show didto sa Manila.
Giingong wala ayoha ug tratar si Que si Avila gikan sa pagkaon ug uban pa nga gisweldohan ra ug P2,000 sa lima ka adlaw niya nga pagserbisyo.
Nanulti ni Avila ang iyang mapait nga kasinatian uban ni Que maong nagtanom gyud kini ug kayugot ug kay nag-abot ang duha sa pageant giadto gyud ni Que si Avila sa backstage ug gibugno, gawas pa nga daghan ang nakadungog nga nanghulga si Que nga “patyon” si Avila.
Nagpakurasyon na hinoon ug nagpa blotter sa Pinamungajan police station si Avila kinsa gipasaligan sab ug tabang ni Pinamungajan Mayor Glenn Baricuatro ug sa asawa nini nga si Vice Mayor Jessica Baricuatro .
“We’ll make sure that Julia gets the justice she rightfully deserves,” segun pa ni Vice Mayor Baricuatro sa usa sa iyang mga comment sa FB post labot sa maong panghitabo./CCO
π· ctto
