By JOSEPHUS QUIJANO
Love triangle ang niguwang motibo sa nahitabong pagpamusil patay pasado alas 11:00 kagabii, Byernes, Hulyo 11, didto sa usa ka restobar sa Poblacion Argao,Cebu nga naglambigit sa Sangguniang Kabataan (SK) Federation President sa maong lungsod.
Nadakpan ra sab hinoon dayon human sa hitabo si SB Councilor Mark Alphonsus Villamora, taga Barangay Lamacan samtang ang biktima nga si Elmer Angelo Almarillo Dead on Arrival (D.O.A.) sa Isidro C. Kintanar Memorial Hospital.
Ang biktima dunay samad pinusilan sa ulo ug uban pang parte sa iyang kalawasan gani daghang basiyo sa bala ang narekober sa mga polis nga nirespondi didto sa crime scene sa ‘The Hideout Bar’ sa Barangay Poblacion.
Gibutyag ni Argao Chief of Police PMAJOR GIANUS GIANGAN nga “love triangle” ug selos ang niguwa nga motibo sa krimen sanglit ang biktima maoy bag-ong nakarelasyon sa kanhi girlfriend sa suspek diin nasayran nga mabdos ang maong babaye – kinsa segun sa inbestigasyonΒ gisawo sa biktima ang maong babaye sanglit wala nay klaro ang ilang relasyon sa suspek.
Ang suspek kalit nga niabot sa maong bar nga daghan ug tawo ug kalit nga namusil sa suspek sa makadaghan.
Gigamit sa suspek sa pagpamusil ang iyang 9mm Glock pistol nga dunay papeles nga License to Own and Possess Firearm (LTOPF) apan wala “Permit To Carry Firearm Outside Residence (PTCFOR).
Narekober sa crime scene ang siyam (9) ka basiyo sa bala sa maong pusil; duha (2) ka kabhang sa maong bala, usa ka deformed slug niini ug usa ka tipaka.
Gituhuan sa mga inbestigador nga ang suspek nga mag-atubang ug kasong ‘murder’ pwerte gyud ang kasuko ngadto sa biktima tungod saΒ pagpamusil niini makadaghan nga nisibo sa mga physical evidence nga narekober sa crime scene./with a report from Paul Lauro
