By PAUL LAURO
CEBU CITY- Nausban na sab ug dakop sa kapolisan ang usa ka mulopyo nga giingong gikahadlokan sa ilang dapit tungod sa pagtinir niini ug armas.
Ang dinakpan nga si KARL JHON BARING SACAL, 28, ulitawo, residente sa Sitio Upper Kawayan, Barangay Sambag ll, Cebu City gi-raid pasado ala 1:00 kaganihang kaadlawon, Byernes, Hulyo 11, sa mga sakop sa Abellana Police Station ug positibo nga nakuhaan ug armas ug mga bala.
Ang mga operatiba sa pagpangulo ni PLT JAY RAMOS legal nga nipatuman sa Search Warrant nga giisyu ni RTC Branch 17 Executive Judge HonorableΒ Anacleto Debalucos (SW no. 0544-07-0725-17) nga niresulta sa pagkasakmit sa dili lisensyado nga .38 kalibre nga armas ug tulo (3) ka mga bala niini.
Ang mga mulopyo sa Upper Kawayan nitahu na sa kapolisan kaniadto nga si Sacal kanunay nga makita nga magdala ug armas hinungdan nga nadakpan na kini niadtong Disyembre 9, 2024.
Giingon nga daw sa wala mutagam ang dinakpan sa unang pagdakop kaniya hinungdan nga giusban na sab kini pinasikad na gyud sa Search Warrant gikan sa korte.
Sa unang pagdakop niadtong Disyembre, gitahu ug armed person alarm si Sacal ug nakuhaan kini ug home made (paltik) nga 9mm pistol ug mga bala sa maong pusil
Niining ikaduha niya nga pagkadakop pasakaan na sab siya ug kaso nga Illegal Possession of Firearm and Ammunitions tungod sa paglapas sa Comprehensive Firearms and Ammunition Regulation Act kun Republic 10591./with a report from CCO
-
bag-o nga mugshot sa suspek 
kaniadto nga mugshot 
aktwal nga pagkadiskobre sa armas
