ELIAS LINTUCAN NO COMMENT KUN MAY RELASYON BA SILA SA IYANG MANAGER

“No comment ko ana, no comment,” reaksyon sa reggae vocalist nga si Elias Lintucan, Jr. sa Elias J TV Band dihang gipangutana sa usa ka tigbalita kun nagka “intimate relationship” ba sila sa iyang manager nga si Beverly Pumicpic Labadlabad.

Gipangutana ang sikat nga musician sa ilang presscon didto sa Kidapawan City human nipasaka sila ug kaso ngadto sa Kidapawan City Regional Trial Court ug Nullity of Contract, accounting ug pagpangayo ug Temporary Restraining Order (TRO) sa korte sa napirmahan nga kontrata tali ni Lintucan ug ni Labadlabad.

Gipasabot sa abogado ni Lintucan nga si Atty. Israelito Torreon nga “void” ang maong kontrata nga napirmahan niadtong Abril 4, 20225 sa Dumaguete City.

Matud pa sa abogado kinsa mao sab ang abogado sa napreso karun nga si Pastor Apollo Quiboloy nga walay “consideration” ang pagka manager ni Labadlabad sanglit samtang sikat ug ilado na si Elias walay kasinatian si Labadlabad isip talent manager.

“Essentially our stand is the contract is void not only voidable. Meaning anong ibig sabihin nyan, wala pong bisa yung napirmahan ni Elias dahil po yung kontrata pong iyon ay walang consideration,” pamahayag pa ni Torreon sa maong presscon.

Laing depekto sa kontrata nga gitumbok ni Torreon mao ang address sa nag-notaryo nga abogado sa kontrata nga Quezon City bisan ug ang pagpirma didto sa Dumaguete City.

Lakip sa gipangbutyag ni Torreon ang walay klarong basehanan sa 30% nga commission ni Labadlabad sa kita sa banda ingon man ang “partnership” nga nalatid didto nga 50% ang bahinay sa bisan unsang negosyo.

Wala hinoon sila nidetalye sa mga nitumaw sa social media nga dunay “P29 milyones pesos” nga kita nga walay klaro nga subay si Labadlabad sanglit nangayo sila ug accounting kabahin niini.

Sa iyang bahin si Labadlabad kinsa giabogaran ni Atty. Ferdinand Topacio niinsistir nga “legal” ang ilang kontrata lakip na usab ang ubang mga sakop sa banda. Si Topacio kinsa mao sab ang abogado sa napreso nga si kanhi Negros Oriental Governor Arnulfo “Arnie” Teves nibahad nga magkaproblema gyud si Elias kun dili niini tumanon ang kontrata.

Nipasumbingay kini nga mahimong “frozen delight” ang sikat nga bokalista.

” So sana bumalik siya sundin lang yung kontrata walang kaproble-problema ngunit pag di sumunod eh yun ang mag-umpisa – ang sunod sunod na problema and I assure him, he will hear a lot of problems … magiging “frozen delight ka,” matud pa ni Topacio sa ilang presscon sab.

Sa wala pa ang pagkiha ni Elias ang live-in partner niini nga si Abegail Cariquitan nipadayag ug pagselos ngadto ni Labadlabad ug bukas kaayo kini sa mao niyang gibati sa social media diin si Labadlabad nitubag nga walay katungod si Cariquitan sanglit dili pa sila kasal sa musician nga taga Magpet, North Cotabato.

(si Elias Lintucan, Jr. ug Atty. Israelito Torreon)

(Si Atty. Ferdinand Topacio ug talent manager nga si Beverly Pumicpic Labadlabad)