Weder, weder ra matud pa ni kanhi Presidente Joseph “Erap” Estrada ang politika.Β
Apan grabeha sang wedera dinhis Sugbu woi, bag-o pa gani nikanaug sa pwesto si ex-Governor Gwendolyn Garcia niadtong Hunyo 30, daw nibalimbing o niligid na man paingon ngadto ni incumbent Governor Pamela Baricuatro ang mga mayor sa Probinsya sa Sugbu.Β
Yes, sakto inyong nabasa “daw nibalimbing” kay espoko nimo atul sa opening ceremony sa 456th Founding Anniversary sa probinsya kaganihang buntag sa provincial capitol karung adlawa, Agosto 4, maihap ra sa tudlo ang mga mayor nga wala mutambong ug niduyog uban ni Governor Baricuatro.Β
Ang wala gyud mupakita bisan na lang ilang representante mao ang pag-umangkon sa kanhi Governor nga si Barili Mayor Pablo John “John-john” Garcia IV,Β Pinamungajan Mayor Glen Baricuatro, Liloan Mayor Aljew Frasco ug Consolacion Mayor Theresa Alegado.Β
Sa habigΒ sa mga mayores sa component cities, bisan ug wala siya sa nilawas, may representante si Toledo City Mayor Joy Perales ug didto ang mga known supporters ni kanhi Governor Garcia nga sila Talisay Mayor Gerald Anthony “Samsam” Gullas, Naga City Mayor Valdemar Chiong, Carcar City Mayor Patrick Barcenas ug Bogo City Mayor Carlo Martinez nga gipresentahan sa iyang igsoon nga si Vice Mayor Ma. Cielo Martinez (si Danao City Mayor Nito Durano dili kahibudngan kay bugtong siya ra man gani ang mayor sa probinsya nga nipaluyo gyud sa hingpit ni Gov Pam).Β
Nadungagan nila Mayor Cesar Ignatius “Ig-ig” Moreno sa Aloguinsan ug Mayor Gun-gun Gica sa Dumanjug nga wala sab mupakita, kadtong niingon nga dapig sila ni Gov. Gwen sa nilabayng eleksyon, didto gyud sa provincial capitol grounds ug giabi-abi ni Governor Baricuatro.Β
Maka-tuaw lantawon, halos tanan sila nga dapig ni Gov. Gwen sa nilabayng eleksyon lagmit gawas nga ninglamano, nakig “beso-beso” na sa nahimong higpit nga kaatbang sa kanhi gobernadora nga lakip na gani ni Mandaue City Mayor Jonkie Ouano ug Cebu 4th district Congressman Sun Shimura, daw giabandonar na gyud intawn si Gov. Gwen sa iyang mga political supporters.
Sa maong okasyon niduyog sab ang lain pang duha ka mayor sa highly urbanized cities (tri-cities) nga sila Cebu City Mayor Nestor Archival ug Lapu-lapu City Cindi King Chan, so suportado gyud ang maong kalihukan ni Gov Pamela Baricuatro.Β
Paminaw ko, nakaabot na gyud ni Gov. Gwen ang panghitabo nga posible gani nakakita siya mismo sa daghang mga FB live videos sa mga Cebu media outlets ug sa capitol PIO busa ug ikaw si Gov. Gwen, unsa may imong bation? Dili ba daw gitampok imong dughan ug gibudhian na siya ug nibalimbing na paingon ni Gov. Pamela ang iyang mga political supporters? Nga mao diay tingali gilubong siyag taga liog sa niaging May 12 elections kay dili diay niya lunod patay ang mao niyang mga lumalaban? Your guess is as good as mine. For comments or reaction please text or call 09434823385 or email at tonton_antogop@yahoo.com
PS. Mea culpa. As per readers feedback, Mayor Alegado and her son, VM Joyjoy as well as Mayor Gica and Mayor Frasco catched up for the occasion. They were not just able to join the recessional prior to the flag raising ceremony that was aired via FB live.
π· ctto/credit to the rightful owners
