By JOSEPHUS QUIJANO
Usa ka Vietnamese national ug 11 ka mga niini ang gidakop sa mga otoridad sa usa ka beauty shop nga giingong nag-operate nga walay permit gikan sa gobyerno.
Entrapment operation ang gipahigayun sa mga hiniusang sakop sa Regional Special Operations Unit (RSOU 7), Regional Intelligence Unit (RIU 7) ug City Mobile Force Company (CMFC) sa Cebu City Police Office ngadto sa maong establismiento nga nahimutang sa Centro Maximo Building, Jakosalem Street, Barangay Cogon Central Ramos Cebu City niadtong Sabado, Hulyo 19, 2025.
Ang maong clinic giingong nalambigit sa illegal nga aesthetic procedures, pagpa-enhance sa panagway sa ilang mga customer nga walay permit nga kalapasan sa Republic Act 9711 kun (FDA Act of 2009) ug Republic Act 2382 (Medical Act of 1959).
Ang Police Regional Office 7 naka dawat og reklamo gikan sa usa ka civilian nga matod pa nga ang maong clinic nag operate nga walay lisensya sa ilang beauty enhancement procedures.
Wala usab matud pa kini maka pakita sa brand sa produkto nga gigamit sa ilang pagpa enhance sa panagway sa ilang customers.
Tungod niini dali nga mi aksyon ang PRO-7 pinaagi sa pag gamit og police asset diin nagpaila kini nga kliyente ug mi request kini nga magpa lip filler treatment.
Giatiman gilayon ang maong police asset sa usa ka staff member nga wala matino sa maong kliyente kung kini lisensyado ba nga doctor o nurse nga maoy hinungdan nga gihimo dia-diha dayon gihimo ang entrapment operation ug misikop sa mga tawo nga naa sa sulod sa clinic.
Nakuha sa mga operatiba atol sa maong operation ang duha ka syringes nga dunay sulod nga lip filler substances, nagka lain-laing vials, ampules, tabletas, capsules, syringes, usa ka RF intensify machine ug usa ka Darme Shine Pro machine.
Ang maong clinic wala usab maka pakita og accreditation gikan sa Food and Drug Administration (FDA) nga maoy gikihahanglan nga ipakita alang sa ilang gitanyag medical cosmetic services.
Ang 12 ka mga suspek lakip na niini ang usa ka Vietnamese national anaa na sa kustodiya sa Regional Police Security and Protection Unit 7 alang sa booking ug documentations niini alang sa pagpasaka og kasong kriminal ngadto sa korte.
