National

HARRY ROQUE GUSTO NANG MU-ULI SA PILIPINAS UG BATUKAN ANG MARCOS ADMIN SUD SA PRESUHAN

20250721 104323

Nagtinguha karun si kanhi presidential spokesman Atty. Harry Roque nga muuli na sa Pilipinas.

“Nag-iisip na nga po kung mas mabuti na siguro na uuwi na lang ako sa Pilipinas at kahit papano labanan ang Marcos administration sa loob ng kulungan,” pulong pa ni Roque sa iyang Facebook live kagabii (oras dinhi sa Pilipinas) gikan sa The Hague, Netherlands.

Gipadayag kini ni Roque nunot sab sa iyang kasagmuyo sa abogado ni kanhi Presidente Rodrigo Duterte nga wala gyud mangusog nga mahatagan ug “interim release” ang kanhi pangulo sa Pilipinas taliwala sa iyang suhestyon.

Matud niya nga nahulog nga walay pulos na pud ang iyang presensya didto sa Netherlands sanglit dili man siya tugtan sa International Criminal Court (ICC) nga makabisita ni Duterte sa presuhan.

Wala na muhisgot pa si Roque sa iyang application for asylum gani siya nidugang nga iyang atubangon ang iyang kaso nga matud niya “walang saysay” samtang magpadayon sab ang iyang panawagan batok sa administrasyong Marcos.

“Frustrated ako at iniisip ko nga na siguro mas mabuting labanan yung aking walang saysay na kaso sa Pilipinas,” dugang pa niya.

Sayo niini si Honorable Judge Rene Reyes saΒ  RTC Branch 118 sa Angeles City niisyu sa maong Warrant of Arrest ngadto sa grupo ni Roque ug sa kliyente niini nga si Cassandra Ong labot sa giingong POGO operations sa Porac, Pampanga.

Gilambigit si Roque sa napasirhan nga Lucky South 99 human naestablisar nga dili lamang siya abogado alang sa Whirlwind Corporation nga maoy nipaabang sa yuta nga gitukuran sa maong POGO apan legal officer sab sa maong korporasyon.

Usa ka opisyal sa PAGCOR ang nitug-an sa hearing didto sa kongreso nga wala tungaha ni Roque nga dihay meeting nga nisulti gyud si Roque habig sa Lucky South 99 nga giingong lakip sa kalapasan mao ang “qualified human trafficking” nga usa ka non-bailable offense.

Sayo niini ang gobyerno sa Pilipinas nagtinguha unta nga maisyuhan ug Red Notice sa Interpol si Roque arun madakop sa Netherlands apan niining iyang tinguha nga muuli, mahimong dakpon siya dayun ug presuhon.

 

20250721 104323