By JOSEPHUS QUIJANO
Preso karun sa Mambaling Police Station ang safety marshal sa usa ka construction company human niya giboso sa makadaghan ang ilang dalaga nga ‘engineer’ nga gwapa ug batan-on pa.
Ang suspek nga si alias Wilmar, 33, minyo, (tibuok ngalan gipugngan) gisumbong mismo sa kapolisan sa 25-anyos nga biktima human nga iyang namatikdan ang binastos nga gibuhat sa suspek nga lumad nga taga Malitbog, Southern Leyte.
Pasado alas 8:00 karung buntag, Hulyo 19, gidakop sa kapolisan ang suspek kinsa nakuhaan sab ug ebedensya nga mga video nga iyang gikuha sa iyang cellphone samtang maligo ang biktima.
Tupad ra ug kwarto ang suspek ug ang biktima sa ilang construction site maong makapanglili gyud kini sa biktima kinsa desidido gyud nga mupasaka ug sumbong kriminal batok sa suspek nga nasayran nga sinaligan unta sa igsoon sa biktima sanglit mao kini mismo ang nihimong empleyado sa suspek.
Rason sa suspek kinsa nahinabi sa DYHP RMN CEBU nga nahimo lang niya ang pagboso sanglit gimingaw siya sa iyang asawa nga atua sa ilaha. Iyang giangkon nga daw na-adik sab siya sa ‘online pornography’ maong ang engineer maoy usa sa iyang pahungawan kun bation na siya ug lawasnong kahinam.
π· Jane Gallardo/DYHP RMN CEBU
