By GENE VALENZUELA
“HASTA L A VISTA” TIL WE MEET AGAIN APAN MAKABALIK PA KAHA SI GWEN GARCIA?
“Hasta la Vista, till we me meet again,” mao kini ang giluwatang pulong ni former Cebu Governor Gwendolyn Gacia sa dihang nagpatawag siya ug tigum kauban sa mga kaalyado niya sa One Cebu party niadtong bisperas sa iyang pagbiya sa kapitolyo.
Ang mga nanambong mao ang mga newly elected ug incumbent Cebu officials lakip na ang suod kaayo ni Gwen nga si kanhi Provincial Board Member Glen Soco ug karun Vice Governor sa lalawigan sa Sugbu
Nitambong usab ang mga nanag-iya ug dagkong negosyo maingon man ang mga regional heads ug mga director sa mga magkadaiyang goverment agencies sa lalawigan
“Mukhang may babalikan” pong sa uban kay lagi ang banyaga nga “hasta la vista til we meet again“ nagpasabot man nga kuno sa usab natong panagtagbo.
Wala nuoy gisumpay ang naparot nga kanhi gobernador sa pagsulti niya niini apan kung buot sabton, ug kun imong hubaron, pasumbingay gyud kini nga mobalik siya sa pangagamhanan, pero hinuon dili pa ni diha diha kay sa atong balaud ug giisplikar man kini sa COMELEC pinaagi ni Comelec Chairman George Erwin Garcia nga ang mga naparot sa nangaging piniliay dili matudlo sa bisan unsang goverment position sulod sa usa ka tuig human sa nilabay nga election.
May info ang PUNTO KO nga nagpa reserved na daw ug posisiyon sa Malacanang ang giparot nga gobernadora… yes gipilde sa wala kaayoy kabangkaagan sa politika pero aktibo sa campus politics sa estudyante pa siya sa usa sa pinaka dakong unbesidad sa Sugbu , sakto gipilde siya ni Peoples Governor Pamela Baricuatro.
Matud pa sa akong informant nga tinguha daw ni Gwen nga mamahimong USEC sa Office of the President for the Visayas kun OPAV… ambot tinuod ba kaha ni… at the moment, kay layo pa man ang one year , sige na lang “Lets Cross the Bridge When we reach there.”
Diri sa kapitolyo, medyo daku na kaayo ang kausaban human mo asumir si Gov Pam sa katungdanan kay espoko mo na nga sa unang adlaw sa iyang paglingkod niadtong Hunyo 30, tuig 2025 giladlad dayon ni Baricuatro ang financial transparency ug public trust, 12 (dose) dayun ka Executive Orders ang iyang gilagdaan ug nag-una niini mao ang pagpagawas ug pondo para matutukan ang operation ug palambuon ang kapasidad sa mga provincial hospitals ingon man matarong ang pagpadagan niini , butang nga nga wala hatagi ug bili ug pagtagad sa panahon ni Garcia nga mas giuna pa ang uban kalihukan sama sa Suroy Suroy sa Sugbu ug Pasigarbo sa Sugbu nga mikaon ug dakong pondo sa panudlanan sa probinsya.
Usa pud sa kanindot nga gihatagan ug pagtagad sa bag-ong administrasyon gawas sa health care mao ang inter-local. regional-local ug public-private collaboration for sustainable urban development ug maingon man ang gilaraw nga seamless coordination sa DepEd-7 , gawas pa niana ang pagpalambo diin nianang tanan naa ang kasinatian ug expertise sa iyang Provincial Administrator nga si kanhi Tourism Secretary Ace Durano ilabi na ang may kalambigitan sa pagpalambo sa natad sa Turismo.
Mahitungod sa mga provincial hospital ug mga panginahanglan niini nasayran sa PUNTo ko nga may gipagawas ng pondo si Baricuatro kalabot niini para masugdan na ang rehabilitasyon sa mga provincial health facilities matud pa nga 6 lang ang giingon sa kapitolyo nga may kapasidad isip hospital ug 10 niini mga infirmary lang nga buot ipasabot nga mg minor health problem lang ang maatiman.
Lintunganay: Unsolicited advice nato sa naparot nga gobernadora nga unta dili na lang usa siya magsamok samok sa Sugbu kay tataw naman nga wala na makauyon ang mga Sugbuanon kaniya.
Suma gud kay siya ra man ang niingon nga nakatulog siya ug sa iyang pagmata dili na ba daw siya gobernadora, kay unya dili naman gyud, relax lang usa lay, hatagi ug chance si Baricuatro. Be a good sport, kapoy na baya ka, suma gud sa dihang imong giibot ang mikropono sa usa sa mga gitambungan nimong event sa Carcar, dili man tu ang nailhan naku nga Gwendolyn nga motimpla man gani ka ug kape para namo nga mga reporer kaiadto sa kapitolyo .. tama na lay kapoy naka, very promising kaayo si Baricuatro nga nipuli nimo karon.
PS. Pangutana sa PUNTO KO, may babalikan pa kaya si Gwen Garcia? Ubay-ubay bohol baya karon ang naugkat nga mga kwestyunabling transaksiyon sa nilabay niya nga administrasyon nga hayan maka-discourage ni ekis este ex-Governor sa iyang plans to comeback.. dili kaha AMBAK?
