By PAUL LAURO
CEBU CITY- Nasikop sa usa ka entrapment operation sa mga sakop sa National Bureau of Investigation – Cebu District Office (NBI-CEBDO) ang usa ka licensed customs broker nga giingong nangilkil ug kwarta sa iyang kliyente nga Peruvian national nga babayeng negosyante nga namaligya ug mga surplus vehicles sa Talisay City.
Giila ang suspek nga mao si Roel Labrador, kinsa nag-opisina duol sa Cebu City Post Office sa Barangay San Roque Ciudad nga nasikop sa entrapment operation niadtong nilabayng Byernes sa hapon, Hulyo 11, 2025.Β
Human niya nadawat ang P163, 000 nga marked money gikan sa iyang kliyente, giposasan dayon ang suspek ug gidala sa NBI CEBDO headquarters sa Mandaue City.Β
Suma sa complainant ang maong kantidad ikatulo na ka higayon nga gipangayo sa suspek gikan kaniya human sa ilang orihinal nga P330, 000 nga package price. Nasundan pa kini ug laing P231, 000 apan pakyas gihapon ang pag-release sa iyang kargamento gikan sa Bureau of Customs (BoC) sa Port of Cebu.Β
Gipasangil sa maong broker nga dunay “additional charges” sa customs hinungdan nga wala pa ma-release ang iyang kargamento ug dihang nidugang pa gyud kini ug P163, 000 didto na nagduda ang maong kliyente hinungdan nga nidangop na siya sa NBI CEBDO.Β
Didto mismo sa sulod sa opisina sa suspek duol sa post office sa siyudad gipahigayun ang “entrapment operation” diin paghuman ug dawat sa suspek sa marked money gikan sa iyang kliyente ug sa kauban sab niyang babaye gidakop dayon siya sa mga undercover NBI agents nga nihuwat ra sa pre-arranged signal gikan sa maong negosyante nga Peruvian national.Β
Gawas sa kaso nga estafa nga napasaka na batok sa suspek sa Cebu City Prosecutors Office mahimong matangtangan sa iyang lisensya ang maong licensed customs broker nga nipasar niadtong 2008. Sa wala pa siya nahimong lisensyado, ang suspek nahimong part time sports writer sa usa ka lokal nga pamantalaan. Nakatudlo sab siya kabahin sa customs sa usa ka lokal nga unibersidad./with a report from CCOΒ
