MANILA- Usa ka retired police General ug 12 ka aktibong mga polis ang gilambigit sa whistle blower nga si Julie “Dondon” Patidongan sa kaso sa mga missing sabungero.
Ginganlan ni Patidongan si LTGEN Jonel Estomo (ret.) kanhi hepe sa National Capital Region Police Office (NCRPO) ingon man ang dose ka mga active police nga sila PCOL Jacinto Malinao Jr.; PLTCOL Ryan Jay Orapa; PMAJOR Mark Philip Almedilla; Police Executive Master Sergeant Aaron Ezrah Cabillan; Police Chief Master Sergeant Arturo dela Cruz Jr.; Police Staff Master Sergeant (PSMS) Joey Encarnacion; PSMS Mark Anthony Manrique; PSMS Anderson Abale; Police Master Sergeant (PMSG) Renan Fulgencio; Police Staff Sergeant (PSSG) Alfredo Andres; PSSG Edmon MuΓ±oz ug Police Corporal Angel Joseph Martin.
Gibutyag ni Patidongan ang pangalan sa maong mga polis atul sa usa ka presscon human sab nga kuyog sa pamilya sa mga biktima, ilang gipasaka ang kasong administratiba batok sa naasuyng 12 didto sa National Police Commission (NAPOLCOM).
Gipaabot sab nga dunay laing kaso ang ipasaka batok ni retired General Estomo kinsa nahimo sab nga kanhi hepe sa PNP Anti-Kidnapping Group (AKG).
Segun sa gibutyag ni Patidongan ang matag polis nga iyang ginganlan dunay suborno nga dili mumenos sa P200, 000 kadaΒ buwan ug mao ang mudawat sa mga gidagit nga mga biktima arun patyon ug itambog didto sa Taal Lake ug uban pang lugar.
Si Patidongan nga mao si alias “Loloy” dihang unang nipatim-aw sa GMA maoy nibutyag nga ang mastermind sa pagpamatay sa mga missing sabungero mao ang multi-billionaire nga gambling operator nga si Charlie “Atong” Ang.
Si Patidongan nga kanhi farm manager ni Ang ug nangulo sa mga security personnel sa multi-billionare nibutyag nga si General Estomo apil sa gitawag ug “Alpha Group” ug maoy giingong nisulsol nga siya patyon tungod sa iyang pagbutyag sa illegal nga kalihukan sa ilang grupo.
Gilambigit sab ni Patidongan sa isyu ang kanhi girlfriend ni Ang nga celebrity actress nga si Gretchen Barreto kinsa nipanghimakak hinoon sa pasangil ingon man si Ang mismo nga nibutyag nga nipyait lang si Patidongan kay wala siya muhatag sa pangilkil niini ug P300M.
Ang mga biktima gipangdagit saΒ bulangan didto sa Manila Arena ingon man sa Batangas ug Laguna nga gipanag-iya ni Ang human giingon nga nagtiyope sa ilang manok nga gisabong ug adto mupusta sa pikas. Nabisto ilang gipangbuhat sanglit nahitabo kadto panahon sa pandemic nga nikusog ang online sabong maong ma-monitor sa computer kun diin namusta ang mga biktima./CCO
