Gipaabot nga dakong tabang sa mga mag-uuma ang giduso nga balaudnon ni House Speaker Ferdinand Martin Romualdez (Leyte,1st district) – ang House Bill No. 14 (Expanded Agricultural Insurance Act) nga nagtinguha nga palapdan ang crop insurance coverage sa Pilipinas.
Sa kasamtangan mga tanom ra nga humay ug mais sa mga mag-uuma ang giserbisyuhan sa Philippine Crop Insurance Corporation (PCIC) hinungdan nga tinguha sa maong balaudnon nga malakip niini ang mga high-value commodities, livestock, aquaculture, farm machinery ug post-harvest infrastructure.
βThis bill is my personal commitment to every farmer who risks everything each planting season. With better insurance, weβre not just protecting cropsβweβre protecting lives, dreams, and the future of our food supply,β matud pa ni Romualdez kansang balaudnon co-sponsor sila si Tingog partylist congressmen Jude Acidre ug Julian Andrew Romualdez.
Gipasabot ni Romualdez nga panahon sa kalamidad ug huwaw ingon man pag-igo sa plant diseases ug plant infestations dili na unya mabalaka ang mga mag-uuma nga dunay insurance coverage sa PCIC.
Midugang ang kasamtangang speaker nga ang maong balaudnon hingpit sab nga pagpaluyo sa kongreso ngadto sa farmers welfare agenda sa administrasyon ni Presidente Ferdinand “Bongbong” Marcos, Jr. (PBBM).
βPresident Marcos understands that farming today means confronting floods, droughts, and typhoonsβand farmers cannot face these battles alone. Our job in Congress is to make sure the support system is strong, fair, and responsive,β dugang pamahayag sa Speaker. Basi sa data 744,000 ka mga farmer claims ang naserbisyuhan sa PCIC sa nilabayng tuig ug ang balaudnon nga ipasar inig abli sa 20th congress karung Hulyo 28 gitinguha niini nga muabot sa 1.2 million ka mga mag-uuma ug 21, 000 ka mga livestock raisers ang malakip na unya sa insurance coverage./CCO
π· Martin Romualdez FB
