𝐀𝐊𝐓𝐑𝐄𝐒 𝐍𝐆𝐀 𝐒𝐈 𝐆𝐑𝐄𝐓𝐂𝐇𝐄𝐍 𝐁𝐀𝐑𝐑𝐄𝐓𝐎 𝐆𝐈𝐍𝐆𝐀𝐍𝐋𝐀𝐍 𝐍𝐆𝐀 𝐍𝐀𝐋𝐀𝐌𝐁𝐈𝐆𝐈𝐓 𝐒𝐀 𝐆𝐈𝐃𝐀𝐍𝐆𝐀𝐓𝐀𝐍 𝐒𝐀 𝐌𝐆𝐀 𝐌𝐈𝐒𝐒𝐈𝐍𝐆 𝐒𝐀𝐁𝐔𝐍𝐆𝐄𝐑𝐎; 𝐀𝐓𝐎𝐍𝐆 𝐀𝐍𝐆 𝐆𝐈𝐓𝐔𝐌𝐁𝐎𝐊 𝐍𝐆𝐀 𝐌𝐀𝐒𝐓𝐄𝐑𝐌𝐈𝐍𝐃

Ginganlan na gyud si Atong Ang nga maoy “mastermind” sa gidangatan sa mga missing sabungero didto sa Manila ug duha ka laing dapit sa Luzon.

Mitumbok ni Ang si Julie “Dondon” Aguilar Patidongan, iyang kanhi security personnel ug farm manager nga sayo pa nagpaila nga si alias “Totoy” kinsa usa sa unom ka mga security personnel sa Manila Arena nga orihinal nga gilambigit sa kasong kriminal nga nag-ung-ong karon sa korte.

“Si Mr. Atong Ang siya yung chairman ng Pitmaster. Siya ang pinaka mastermind at nag-utos na talagang iligpit ang mga yan,” matud pa ni Patidongan sa exclusive interview kaniya sa journo nga si Emil Sumangil sa GMA.

Gilambigit sab ni Patidongan ang mga kasosyo ni Ang nga sila Engr. Celso Salazar ug Eric dela Rosa ingon man ang celebrity actress nga si Gretchen Barreto.

“Yang artista na yan walang iba kundi si Miss Gretchen Barreto, hundred percent na may kinalaman siya…lagi silang magkasama ni Mister Atong Ang,” dugang pagbutyag ni Patidongan.

Si dela Rosa sumala pa niya maoy nag-monitor sa pagpahigayun sa online sabong ug maoy makakita sa mga sabongero nga “mang-tayope”sa ilang mga manok pinaagi sa ilang central monitoring.

Ikonsulta kini ni dela Rosa ngadto ni Salazar ug dayon ipahibawo ngadto ni Ang kinsa maoy mumando kun kinsa ang angayang dagiton ug patyon nga mga sabungero sanglit makita sa monitoring kadtong mga nangtyope nga adto mupusta sa kontra nga manok arun siguro sila nga mudaug.

Ang pagdaug sa mga nangtyope makita sa ilang pagpusta online bisan pa ug ilang ipaagi ug laing tawo nga ilang kuyog kay adtong pagkusog sa online sabong panahon sa pandemic nga pila ra ka tawo ang gitugtan nga makasulod sa mga bwangan ni Ang nga ubos sa Lucky 8 Star Quest.

Unang gitahu nga dunay 34 ka missing sabongero apan segun pa ni Patidongan niabot gyud kini ug kapin sa usa ka gatos nga gitambog didto sa Taal Lake sugod sa Abril 2021 hangtud na sa Enero 2022.

Si Ang hinoon kusganong nipanghimakak sa pasangil ni Patidongan ug ni-file ug lima (5) ka mga kaso batok sa iyang kanhi sinaligan didto sa Mandaluyong prosecutors office.

“Isang tao na nagsasalita against sa amin na mga disenteng tao. Lahat ng ina-accused niya dito mga matitinong tao, walang kriminal dito,” pamahayag ni Ang sa usa ka presscon human sa pag-file nila sa kasong robbery, grave coercion, slander ug uban pa kuyog sa iyang abogada nga si Atty. Lorna Kapunan.

Sa wala pa mitumaw nga “whistle blower” si Patidongan nahibaw-an sa NewStar Phil nga nilansar siya nga Mayor didto sa Barobo, Surigao del Sur niadtong Mayo 12 apan wala mudaug.

Segun pa ni Atty. Kapunan nga duna silay recording sa giingong tinguha ni Patidongan nga mangilkil ug P300M gikan sa iyang kliyente.

Tubag ni Patidongan nga nipatim-aw siya ug nibarug siya sa iyang akusasyon ngadto ni Ang sanglit matud niya giapil na ug hulga ang iyang mga sakop sa pamilya.

Segun sa unang pagbutyag ni Patidongan nga ang mga missing sabungero patyon sa laing grupo diin didto nila gihatud ang maong mga biktima nga gipanghigtan ug alambre ang liog unya isulod ug mga sako nga dunay balas dayun itambog sa Taal Lake.

Lakip sa biktima segun ni Patidongan ang game cock breeder nga si Ricardo “Jon-jon” Lasco nga taga San Pablo City, Laguna tungod sa giingong pagkawat niini sa mga online sabong video sa grupo ni Ang ug papustahan sa laing mga puntos nga sabongero./CCO

📷 ctto