Giingnan ni kanhi Presidente Rodrigo Duterte ang iyangΒ mga kanhi nauyab nga mangita na ug lain.
“Ana siya nga kuan daw sa iya dawng common-law wife, mao na iyang sulti,katung kang Mam Jazz wala man daw siyay relasyon ni Mam Jazz, dili man daw sila ig-agaw, dili man sila igsoon so wala silay relasyon,” pamahayag pa sa iyang anak nga si Davao City Congressman Paulo Duterte nga nihisgot sa na-trending nga si “Jazz Egan” nga giingong paborito nga nurse sa kanhi Presidente sa Pilipinas
“Sa tanang uyab pud daw niya sa nailhan nako trese kabuok diha sa Davao, pangita na lang daw mo ug lain. Kanang daghan daw ug credit card, mao na ang iyang sulti,” sumala pa sa kamagwangan nga anak sa kanhi Presidente didto sa The Hague sa Netherlands nga na-interview sa vlogger nga si Alvin Dave Sarzate alias Alvin & Tourism sa Facebook human nga ang Congressman niduaw sa iyang amahan sa presuhan niini sa International Criminal Court (ICC).
Sukad pa niadtong Marso 11 giaresto ang kanhi Presidente ug gipreso didto sa Netherlands tungod sa iyang kaso nga “crimes against humanity” resulta sa iyang duguon nga War Against Drugs sa Pilipinas nga daghan ang nakalas ug biktima sa “Extra Judicial Killings (EJK’s)
Unya pa sa Septyembre 23, 2025 ang confirmation of charges hearing batok sa kanhi presidente didto sa ICC ug taliwala sa petisyon sa iyang mga abogado nga interim release, ang 80-anyos nga kanhi presidente sa Pilipinas wala pay klaro kun kanus-a gyud makagawas sa iyang pagkabilanggo didto sa Netherlands./CCO
