Nipasaka ug kasong ‘cyberlibel’ si Senator Risa Hontiveros ngadto sa NBI batok sa usa ka kanhi witness sa senate hearing nga nipasangil nga iyang gibayran ug kwarta arun iduot sila Pastor Apollo Quiboloy, kanhi Presidente Rodrigo Duterte ug Vice President Sara Duterte.
Ang kiha gitumong ngadto ni Michael Maurillo alias “Rene” kinsa dunay video confession nga gibayran siya ug P1M ni Hontiveros arun dauton ang gipreso karun nga si Quiboloy ug ang mag-amahan nga Duterte. Nigawas ang video sa YouTube account nga dunay pangalan nga “Pagtanggol Valiente” ug gi-share sa mga PRO-Duterte vloggers nga naglakip sa kanhi broadcaster nga si Jay Zonsa; kanhi Press Secretary Trixie Cruz Angeles, Banat By, Sass Rogando Sasot; Kiffy Chiu, Tio Moreno ug uban pa.
Segun sa rebelasyon ni Maurillo nga gidiktahan lamang siya ug gibayran ug dili gyud tinuod ang iyang mga pasangil ngadto ni Quiboloy ug sa mga Duterte. Gipapuyo sab siya sa condo nga iya sa senadora ug hinatagan ug monthly allowance nga hinoon pulos gipanghimakak ni Senator Hontiveros.
Si Quiboloy nga wanted sab didto sa Amerika nag-atubang ug kasong sexual abuse ug human trafficking, nisurindir ug giaresto siya didto sa sulod sa Kingdom of Jesus Christ (KOJC) Compound, Davao City human sa kapin sa duha ka semana nga standn
off. Nangulo sa pagsikop sa nangankon nga “Appointed Son of God” si PNP Chief General Nicolas Torre kinsa mao pa kanhi ang Police Regional Director didto sa PRO 11, Davao Region./CCO
/CCO
