“HEROism” maoy iyang gibuhat sanglit iyang giluwas ang upat ka mga bata apan siya na hinoon ang nakalas sa sunog nga nahitabo pasado alas 5:00 kaganihang buntag karung adlawa, Sabado, Agosto 16, 2025 didto duol sa General Santos City Central Public Market, Barangay Dadiangas South sa maong siyudad.
Giila sa Bureau of Fire Protection (BFP) ang namatay nga si SAED SAPAL, 53, gitawag ug “Bapa Saed” sa mga mulopyo sanglit respetado kini sa maong dapit.
Gawas nga namatay si Sapal -fifty-fifty sab ang kahimtang sa usa ka pribadong hospital sa iyang asawa nga si Imelda nga maoy unang napaso sa hapit sa tibuok niyang lawas dihang nisilaob ug kalit ang dakong kalaha nga gilutuan niiini ug sud-an tungod sa ilang negosyo nga carenderia.
“The Barangay Government of Dadiangas South deeply mourns the passing of Saed Sapal, a true hero who sacrificed his life during the tragic fire incident early morning of August 16, 2025, at Cagampang Street corner Casquejo Street, fronting the Public Market (North Side), General Santos City,” segun sa Facebook post ni Barangay Captain Rock Garay sa naasuyng barangay.
Sa mao niyang post, gibutyag ni Garay nga upat ka mga menor de edad nga nangatulog pa adtong orasa ang naluwas ni Saed nga makagawas sa nasunog nga tindahan.
“Niligtas nya mga bata kuya. Pabalik balik cya,” matud pa ni Garay dihang nahinabi sa 𝐍𝐞𝐰𝐒𝐭𝐚𝐫 𝐏𝐡𝐢𝐥𝐢𝐩𝐩𝐢𝐧𝐞𝐬 .
Ang maong mga bata diha nangatulog sa tupad nga mga establismiento sa maong carenderia matud pa sa inbestigasyon ilang edad 13, 8, 7 ug 3.
Gikatakdang ilubong dayon ang namatay nga si Bapa Saed basi sa ilang relihiyon nga Islam. Ang iyang asawa naka-angkon ug “3rd degree burns” gani gibutyag sab ni Kapitan Garay nga 95% porsyento sa lawas niini ang napaso gyud.
“Habang ibinuwis ni Saed ang kanyang buhay para sa kaligtasan ng mga bata, his wife Imelda was rushed to the hospital and is now suffering from 95% third-degree burns..This afternoon, Saed will be laid to rest following Islamic burial rites. His courage and sacrifice will forever be remembered, at ang kanyang kabayanihan ay magsisilbing inspirasyon sa ating komunidad,” dugang pa sa post ni Barangay Captain Garay.
📷 ctto
(si Bapa Saed (tuod)!ug iyang kapikas/ctto)
(ang pag-ugkat sa patayng lawas ni Bapa Saed)
