By Alan Tangcawan
CEBU CITY- Nakab-ot ni Junibert Bantay ang kadaugan sa Pilipinas batok sa Japan sa boxing human makadaog kini sa usa ka dominadong unanimous decision kontra ni Haruki Miyamoto sa main event sa βFist of Fury 8: Philippines vs. Japanβ niadtong Sabado, Agosto 16, 2025, sa Sky Hall sa SM Seaside City Cebu.
Gidominar ni Bantay ang duwa gikan sugod hangtod matapos, ug nakuha niya ang labawng puntos sa tanang hurado, 78-74, 79-73, ug 78-74 aron makuha ang bakanteng World Boxing Foundation (WBF) Silver super-bantamweight title.
Tungod sa maong kadaugan, napabilin nga wala mapilde ang 25-anyos nga si Bantay sa record nga 9-0 (1 KO), samtang natilawan ni Miyamoto ang unang kapildihan ug mikunhod sa 2-1 (2 KOs) nga rekord.
Si Bantay usa karun sa promising boxer sa Chao Sy Boxing Stable ni businessman/sportsman Lorenzo “Chao” Sy kinsa mao usab ang nipasiugda sa malampuson nga boxing promotion.
Sa co-main event hinoon ang laing bokser ni Sy nga si Jemuel AraΓ±as (7-2-1, 4KO’s) nitabla ra sa iyang duwa, majority draw, batok sa Cebu based Japanese boxer nga si Kiyoto Nakurami (5-1-1, 2 KO’s) sa ZIP Sanman stable.
Way niangkon sa Philippine Boxing Federation (WBF) flyweight belt human nga 76-76 ang gi-iskor sa duha ka judges sa maong duwa bisan ug daug si AraΓ±as sa usa, 78-74.
Tungod sa iyang kalampusan batok sa 28-anyos nga si Miyamoto, gipaabot nga mahatagan pa ug nindot nga duwa sa sunod si Bantay sanglit tumong ni Sy nga malakip na sa “world ratings” ang iyang boksidor./with a report from CCO
