Si frustrated Mandaue City lone district congressman este congresswoman Atty. Regal Oliva murag wala pa gyud ni tawn ka move on woi.
Maayo ra ba unta ug nindot iyang “performance”Β sa nilabayng May 12 elections nga dili gyud raba kay gilubong siya ug boto ni Congresswoman Lolypop Ouano nga ang kalawmon daw hangtud sa sampot ni Regal nga kusog mukiay.
Unsa man sab gud tawn si Regal, huna-huna ra gyud ang gadako, unsaon gyud tawn niya pagdaug kontra ni Cong. Lolypop nga samtang si Cong Lolypop kugihan ug pinangga sa mga Mandauehanon, naanad ra man si Regal nga magsigeg pa-aircon sa iyang opisina kay lagi dugay man siya nga mahimong city treasurer sa Mandaue mga mao gyud tawn ang gikasakit sa iyang buot dihang dunay mando nga siya ibalhin.
Gidudahan nila sa ilang kampo sa nataktak ug pildero nga si kanhi Mayor Jonas Cortes nga si House Speaker Martin Romualdez ang nilihok nga arun unta mabalhin didto sa Navotas City si Regal nga ug nipatuo pa lang siya kay Highly Urbanized City man sab ang Navotas, wala unta siya nabwasot sa butas karun.
Ang ako lang sab gud aning Atty Inday Regal ba, unsa man gud diay ba imong nawilihan sa Mandaue City Hall nga sakit man gyud imong buot dihang gimanduan ka nga ibalhin?
Daghang lami sa Mandaue City o duna gyud kay dili gustong biyaan?
So pila may istorya sukad siya naparot ug gilubong ug pwerteng daghanang boto ni Congresswoman Ouano, daw ga-rigor gyud ang buot ni Regal ngadto ni Speaker Martin.
Sige intawn niya birahan sa iyang mga content sa TikTok ug sa Facebook si Speaker Romualdez nga ang labing uwahi mao ang extension of term sa mga barangay officials hinungdan nga unya na puhon sa Nobyembre 2026 ang pagpahigayon sa BSKE.
Nahimong hingpit kini nga balaud dihang gipirmahan ni PBBM bag-o lang ug daw giwiktan ni Regal Oliva ang kongreso ngano nga nahitabo ang ingon.
Pastilan sab nimo Inday Regal, di ba hasta imong gi-angkon nga lakip sa nimo pa, “forever loves” nga si Senator Mangga este Imee Marcos usa man sa nangusog nga i-uswag lang ang BSKE ngadto na sa sunod tuig?
And you know what ug kun dili pa lang gyud sa imong tumong nga mabirahan lang gyud si Speaker Martin, mismo ang Supreme Court man ang niingon nga ang pagsibog sa barangay election mahimo kun dunay gitawag nga “compelling reason” – “sufficiently important – compelling government reason” ug kana mao ang gikatakda nga first BARMM parliamentary election karung Oktobre. Tinguha ni PBBM nga mu-focus ang COMELEC sa BARMM election sanglit dako kini ug epekto sa peace process didto sa Mindanao. That one is not “superficial” ug “farcical reason”, it is about peace in Mindanao nga gani mismo ang mga opisyal sa Liga ng mga Barangay sa Pilipinas nidayeg sa maong balaud.
Sakto ra sab kay murag nakuwangan kas research Attorney, daw nalimot ka pag factor in sa imong content nga ang mga kasamtangan nga barangay ug SK officials karun tag-duha pa ka tuig sa ilang termino wala pa matangkod sa tulo nga maoy ginbut-an sa balaud kay intawn sab sa katapulan tingali sa imong mga researcher nalimot sila nga niadto pang Oktobre 2023 ang uwahing BSKE, sa ato pa, duha pa ka tuig sila nga nanglingkod. Brayt man gyud ka bahin sa numero, kanhi city treasurer gud ka, two can never be three, di ba? Maong ayawg patuyang ug pagarpar anang imong
“REGAL POV”, because if sour graping sets in, objectivity is lost.
Move on Inday Regal, the Mandauehanon spoke already, they prefer Cong Lolypop than you. Saon ta man life indeed is sometimes unfair, nalusno na man ang pako sa politika sa politiko nga maoy imong gisakyan sa dugay nga panahon maong asta ka apektado kay didto ka man nisakay. Maong ug didto pa ka sa Navotas karun, wala unta ka nabwasot sa imong career pagka city treasurer, hayahay unta gihapon ka murag reyna matag kanaug nimo sa imong luho nga sakyanan dihang ikaw pa ang hawod sa Mandaue City treasurer’s office.
Don’t blame Speaker Martin Romualdez on your fate either, it was your own doing, you relied so much on your political master whose downfall was also because of his own doing. Mary See! For comments or reaction please text or call 09434823385 or email at tonton_antogop@yahoo.com
[si Atty. Regal Oliva (extreme right) tupad si Sen. Imee Marcos. Kuyog sab dinhi ang anak sa senadora nga si Borgy ug lain pa nga higala ni Oliva/ctto]
(tipik sa statement sa Liga ng Barangay ng Pilipinas labot sa pagsibog sa BSKE sa 2026/FB grab)
