Viral si Mayor Abundio “JP” Punsalan, Jr. sa San Simon, Pampanga human nadakpan sa mga sakop sa NBI sa usa ka entrapment operation nga giingong nangilkil ug P80M gikan sa usa ka lehitimong kumpaniya.Β
Wala gyud ang-anga sa hinampak nga politiko nga giingong nagkuyog sa iyang higala nga doktor ug usa ka armadong bodyguard sa entrapment operation didto sa usa ka restaurant sa Clark Pampanga niadtong Martes, Agosto 5.Β
P30 milyones pesos matud pa ang gibungat isip installment bugti sa “favorable resolution” sa reklamante nga Real Steel Corp. mao nga abi tingayeg kwarta na – nipersonal gyud ug tunga si Mayor Punsalan arun dawaton ang kwarta nga usa diay ka entrapment operation. Tagam. Sa korte o ba kaha sa Ombudsman na magpaliwanag si Mayor Punsalan. Mary See!
************************************Β
MAYOR SA USA KA ISLA PAREHAS UG TARAS NI PUNSALAN. Samtang tuod dili angayan nga kuridason ang tanang mga mayores tungod aning gihimo ni Mayor Punsalan, naay usa sab ka Mayor nga naa sa usa ka isla sa kabisay-an nga puparehas ra gyud sila ug taras.Β
Mao gyung estiloha. Favorable resolution, business permit issuance, Letter of No Objection (LONO) nga ihatag lang ning kurimaw nga Mayor basta dunay kwarta nga mugimaw. Ang nakalahi lang nilang duha ni Punsalan kay kining Mayor nga dunay dakong *una*, dili mangunay ug atubang basta pagdawat nas iyang suborno ang hisgutan. Iyang mga alipores maoy padawaton unya sa mga “Inisyatibong Espesyal (read: Dinagko nga Amount) iyang asawa mismo maoy mudawat. Dihay higayon nga si Misis murag gibayaw sa kapunaw-punawan kay ang “Inisyatibong Espesyal” gipakapinan ug “alahas” sa ilang gipadaug sa bidding. Kamao ra ba gyud, dili adto sa ilang balwarte nga LGU ang dinawatay, adtos ilang laing balay este laing dapit. Suntok sa buwan nila pa kining mahilig sa “Inisyatibong Espesyal” nga Mayor nga madakpan kay dili man mudawat ug personal apan bisan pa ug dinhi sa kalibutan dili siya masakpan adunay labawng makagagahum sa langit nga nakakita sa tanan. Dili hinoon ta manungo niining mahilig sa “Inisyatibong Espesyal” nga Mayor kay bad na, apan hinaot nga makaamgo kining mayor nga dakog *una*Β nga wala gyuy sukod sa gitawag nga karma. For comments or reaction please text or call 09434823385 or email at tonton_antogop@yahoo.com
