ππππππ πππππ, ππππππ πππππ ππππ!Β
Ang-ang adto gyud laban si Tourism Secretary Christina Garcia Frasco sa iyang bana nga si Congressman Duke Frasco.Β
Apan sa iyang tantong paglaban sa iyang bana nga nadiskarel ang ambisyon nga mag “House Speaker,” nigimaw ang laing isyu labot sa nimenos nga tourist arrivals sa Pilipinas ubos sa iyang pagdumala.Β
Katarungan ni Christina kay kuno gitibhangan sa kongreso ang iyang promotional budget ngadto na lang sa P100M alang sa 2025 apan dili ba Deputy Speaker pa man iyang anab nianang panahuna nga gituki ang budget? Wala diay magsilbi ang gahum ug inpluwensya ni Duke niadtong 2024 o ba kaha tingayeg na-busy pagpamaligya ug Titay’s Rosquillos didtos Liloan maong gipasagdahan ang iyang ginbuhaton maong wala muabag sa iyang asawa? O tingayeg dili lang sab gyud makamao si Duke kun unsaon? Unya raba sa atung pag-reserach, mismo si Presidente Bongbong Marcos (PBBM) nimando sa Department of Budget and Management (DBM) nga ibalik ang P400M branding budget sa DOT gikan sa President’s contingency fund, wala diay ninyo lihoka?Β
The fact remains nga ang tourist arrivals sa nasud nikunhod, nga raba lab-as pa sa panumduman sa mga Pilipinhon nga niadtong 2023, daghan ang nangangha sa P49M nga inyong gigasto alang sa logo ug rebranding nga “Love the Philippines.”Β
What happened to that?Β The tourists did not love the Philippines? O palpak lang gyud ang pagdumala sa industriya sa turismo maong wala sila ganahi muanhi sa Pilipinas? Wala ra gyud tas kumingking sa tourist arrivals sa Thailand, Malaysia, Vietnam ug uban pang nasud sa asya gani samtang 8M kapin ang tourist arrivals sa Plipinas niadtong 2019 nga wala pa ang pandemic, ang gipanghambog sa DOT nga arrivals sa panahon ni Sec Frasco pwerte gyung gamaya.Β Β
Unya dili nato kalimtan, mismo si PBBM wala gyud muhisgot kabahin sa turismo sa iyang SONA adtong Lunes, pasabot nga maglisud siya pagsulti nga nimenos gyud ang tourist arrivals sa nasud, kay ug iyang isulti aw basin dunay maglipaghong ang nawong, hehehe…Β
Bitaw, murag nilutaw na karun nga dili epektibo si Sec Christina nga ni-char-char raba ug post nga “Public good over political convenience” kuno ang gibuhat sa iyang bana. Asa man ana nga aspeto ang public good, kanang mangambisyon ka apan wala matuman o ang pagdako ra gyud sa huna-huna nga kab-uton apan dili diay kakab-ot bisan pag magtungtong?Β
Gawas nga gipalagpot sa iyang partido daw sama sa ilang inahan nga kanhi gobernadora nga gikulipa sa Sugbu ug niyamiid na ang katawhan, ang mayoriya sa kongreso dili na sab tipik niini si Duke Frasco.Β
Unya yuna pa diay tourist arrivals man kaha nga programa, kadto diayng gipanghambog nga “Suroy-Suroy Sugbu” ug “Pasigarbo sa Sugbu” nga pwerte ra bang dakoa sa gasto, wala diay pulos tu?Β
Nitibhang man ang tourist arrivals sa Sugbu, kaskas ra diay sab tus kwarta sa mga Cebuano? Niining tanan dunayΒ tataw nga dili malimod –Β the people of Cebu have spoken. Gibiyaan namo sa katawhan. Mirisi ninyo. Mahiya naman kayo!Β
