HUSTISYA ALANG NI AIRISH UG SA IYANG ANAKΒ
By: GENE ANTHONY VALENZUELAΒ
Subo kaayong pamalandongon ang nahitabong insidente sa lungsod sa Argao kun diin nakalasΒ ang kinabuhi sa inahan ug ang gisabak niini gumikan lang sa kakuwang sa pasilidad sa tambalanan nga unang gidangpan sa mga nauyamot.
Si Airish Comaling, 30, taga Brgy. Butong, ArgaoΒ unang nidangop sa Isidro Kintanar Memorial HospitalΒ niadtong alas 2:00 sa kadlawon sa Hulyo 21, 2025 ug matud pa gihilingΒ saΒ attending physician ngaΒ si Dr Eric Geyrozaga, giingong may “premature rupture of membrane” na ang pasyente ug na-diagnose nga adunay “cervical polyps” hinungdan ngaΒ gihimuan kini ug referral for further medical intervenion sa Carcar Provincial Hospital sa katarungan nga ang naasoyng tambalananΒ aduna may OB-Gynecologist nga may igong katakos nga muhiling sa intawn nitaliwan na nga inahan ug sa iyang bag-ong gihimugso unta nga kamanghurang anak.Β
Gikatahu nga 7:00 pasado na sa kagabhion niadtong adlawa nadala sa Carcar Provincial Hospital ang mag-inahan nga kun huna-hunaon grabe na gyud ang kalangay ang pagkapadala sa pasyente ngadtu sa Carcar Hospital nga dili man unta kini halayo sa lungsod sa Argao –Β gawas nga usa kini ka emergncy case, kinsa kaha ang nakaingon sa kalangay gyud nga unta dinalian man unta anga kinahanglang pag-atiman sa pasyente nga giingong sa sayo pa nabuthan sa bag of water (amniotic sac).
Isip usa ka registered nurse by profession, mao kini ang atong pangagpas nga kun ugaling aduna may “rupture” sa bag of water, delikado gyud nga may mga kumplikasyon sa bata kay mao man kini ang mo-regulate sa temperatura sa bata ug mo cushion sa puya sulod sa sabakan sa inahan.Β
Sa suma tutal nalangan gyud ang pag-atiman sa pasyente ug sa bata, grabe naman pud nga katarungan ug rason nga walay gasolina ang ambulansiya nga raba sayo niana segun sa kapitolyo ni-release na man sila ug pondo sa mga provincial hospitals unya adtong panahona gikatahu nga kinahanglanΒ pa ug dugang pasyente nga i-refer para dili mausik ang gasolina sa ambulansiya (nasayran nga nabalhin ang pasyente human ang iyang bana nidangop nga magamit ang ambulansya sa ilang barangay).Β
Faet pas paliya kung ingon ani ang patakaran diha sa Isidro Kintanar Memorial Hospital, nga unta aduna may mga opisyal sa gobyerno nga dugay na nga nangalagad sa Argao ug karon usa na ka Povincial Board Member, si Bokal Stanley Caminero kinsa nag-alagad kaniadto isip Mayor sulod sa pila ka tuig pero ambot kung nganong wala man niya mapalambo ang maong tambalanan isip usa ka DOKTOR?Β Sa iyang panahon pa gyud kaniadto sa dihang gi-inagurahan ang tambalanan niadtong Pebrero 2018 unya kaalyado pud siya ug suod pa gyud sa ninglabay nga administrayon apan kahibulungan nga doktor man unta ni siya pero daw walay pagpakabana ug wala ma-upgrade ang provincial hospital sa Argao nga raba segun sa datos, ang ArgaoΒ aduna nay kapin sa 80,000 nga populasyon.Β
Unsa man ni PB Caminero kutob ra ta ani pa gwapa este pahumot sa ngalan isip politiko apan kuwang ang serbisyo sa mga tawo? Hain naman nimo gibutang ang imong pagka doktor niining tungura? Gigamit lang ni nimo para sa politika?Β
Hinuon dili ko masorpresa kay sa dihang Mayor ka pa sa Argao niadto, dihang mibisita unta mi sa opisina nimo for coordination meeting para sa ipahigayon nga “Medical Mission” sa bukirang bahin sa Argao, wala gyud ka moatubang namo, niadto pa gyud mi sa inyong pinuy-anan para lagi sa coordination meeting pero wala man gyud ka magpakabana ug niatubang. Igo ra ka ni- thank you ka after the medicalΒ mission , thats well taken pero wala gyud ka mo suporta niadtong tungura sa actual activity nga raba pagserbisyo ug tabang man kadto sa imong mga konstitwente.Β
Niining pagsuwat, si Peoples Governor Pam Baricuatro naghimo na ug inbistigasyon kalabot niini busa hinaut unta nga wake up callΒ kini sa tanang health care facilities sa lalawigan maingon man sa kadagkuan sa Argao lakip na nimo PB Member Caminero -ug mao kini ang PUNTO KO.Β
PS. Gov Pam, nibutyag ka nga “you are inclined to suspend” those responsible, please do. Let justice be given to Airish and her baby.
π· Kiking Blues FB
