Pito (7) ka mga gitumbok nga sakop sa New People’s Army (NPA) rebels ang napatay atul sa engkwentro kontra sa Philippine Army didto sa Barangay San Mateo, Uson, Masbate.
Ang nangamatay diin dunay narekober nga mga high-powered firearms ug mga subversive documents human sa hitabo pasado alas 6:00 kagahapon sa buntag, Dominggo, Hulyo 27, giingong mga sakop sa Komiteng Larangang Gerilya (KLG) South, Sub-Regional Committee (SRC)-4, Bicol Regional Party Committee (BRPC).
Nilanat ug mga 30 minutos ang sinukliay sa bala sa maong mga mga rebelde batok sa mga sakop sa 2nd Infantry Batallion human nga nag-abot sila sa dapit nga gikahikurat sa mga residente nga nakadungog sa kusog nga mga buto sa armas.
Ang maong mga NPA maoy nahabilin sa grupo ni Eddie/Arnold Rosero alias “Ka Star”, kinsa napatay sa laing engkwentro niadtong Oktobre 2021 didto sa Barangay Bugtong, Mandaon, Masbate dihang nisukol kini sa pagpatuman ug Warrant of Arrest batok kaniya sa kasong murder, frustrated murder, genocide ug uban pa.
Matud pa ni 9th ID commander, Major General Aldwine Almase,Β ang pagpukan sa pito ka mga rebelde maoy epekto sa focused military operation sa Joint Task Force Bicoladia sa tumong nga mapuhag gyud ang mga NPA sa dapit.
π· 9ID, PA (photo courtesy)
