Walay gyuy bisan usa sa mga Cebu congressmen ang nisuporta sa tinguha ni Cebu 5th district Congressman Duke Frasco nga mahimong House Speaker sa pagbukas ugmang dalawa sa 20th congress, Hulyo 28, atul sab sa State of the Nation Address (SONA) ni President Ferdinand ‘BongBong’ Marcos, Jr (PBBM).
Silang tanan adto gyud musuporta ni Leyte Congressman Martin Romualdez nga mao gihapon ang House Speaker gani ang labing uwahi nga nadugang mao si Malasakit Partylist Congresswoman Girlie Veloso kinsa lumad nga taga Carcar City.
Si Cong. Romualdez dunay suporta sa 293 na ka mga kongresista ug gawas ni Veloso lakip niini ang 12 pa ka mga taga Sugbu nga mao ang musunod; Cong. Rachel Del Mar (Cebu City, 1st district -North); Cong. Edu Rama (Cebu City , 2nd district-South); Cong Rhea Gullas (Cebu Province,1st district); Cong. Edsel Galeos ( Cebu Province, 2nd district); Cong. Karen Hope Garcia (Cebu Province, 3rd district); Cong. Sun Shimura (Cebu Province, 4th district); Cong. Daphne Lagon (Cebu Province, 6th district); Cong. Patricia Calderon (Cebu Province, 7th district); Cong. Junard “Ahong” Chan (Lapu-Lapu City, Lone district); Cong. Emmarie “Lolypop” Ouano Dizon (Mandaue City, Lone district) ug Cong. Sony Lagon sa Ako Bisaya Partylist.
Si Frasco sa sayo pa nibuwag na sa mayoriya sa kongreso human nga wala kini mupirma ug Manifesto of Support ngadto ni Cong. Romualdez nisikit pag-ayo ngadto ni PBBM ug First Lady Liza Marcos apan wala gyud kini mupatalinhug sa ambisyon ni Frasco nga mahimong House Speaker.
Gani ang anak ni PBBM ug First Lady nga si locos Norte Congressman Sandro Marcos hingpit nga nagpaluyo ni Cong. Romualdez.
Lakip sa inpluwensyal nga nagpaluyo ni Congressman Romualdez mao si Pampanga Congresswoman Gloria Macapagal Arroyo, ang kanhi pangulo sa Pilipinas ug Cong. Claude Bautista sa Davao Occidental nga maoy campaign manager niΒ Vice President Sara Duterte Carpio sa May 2019 elections
