SOUTHERN LEYTE- Usa ang missing samtang duha ang angol sa nahitabong landslide didto sa Brgy. San Ramon, San Ricardo, Southern, Leyte kagahapon sa kaadlawon, Dominggo, Hulyo 13, 2025.
Padayon ang search and retrieval operation sa 54-anyos nga construction foremanΒ nga nagtrabaho ug road project duol sa dapit sa nahitabuan samtang angol usab ang duha ka mga mulopyo.
Ang foreman nahinanok ang pagkatulog sa ilang bunk house pasado alas 12:00 sa tungang gabii dihang nahitabo ang landslide nga resulta sa way hunong nga pag-uwan sa dapit Sabado sa gabii.
Gawas sa bunk house natabunan sab sa mga yuta ug bato nga nidahili ang duha ka mga balay sa dapit.
Gipahibawo ni Southern Leyte Governor Damian Mercado nga tua na sab karun sa dapit ang mga sakop sa Provincial Engineering Office alang sa clearing operations ug humanitarian assistance.
Ang San Ramon viaduct dili pa maagian sanglit naalihan kiniΒ sa mga bato ug yuta nga gikan sa ibabaw nga bahin nga nidailos paubos resulta sa maong landslide./CCO
sitwasyon sa San Ramon viaductclearing operation sa dapitSo. Leyte Provincial Engineering Office in action
