Half-mast karun ang bandila sa Pilipinas sa Labogon Elementary School sa Mandaue City human sa kalit nga kamatayon sa ilang usa ka maestra kinsa namatay sa disgrasya sa kadalanan samtang paingon sa eskwelahan pasado alas 9:00 ang takna kagahapon sa buntag, Myekules, Hulyo 9, didto saΒ H. Abellana, St. Barangay Basak sa naasuyng siyudad.
Ang biktima nga si Reywena Velez SoroΓ±o, 57, nagsakay ug habal-habal nga motorsiklo gikan sa iyang pinuy-anan apan kalit nga natumba dihang nakaligis kini ug iro sa maong dapit ug nalatayan siya sa ligid sa white Nissan Terra (GBK 6058) nga nagsunod kanila nga gimaneho ni Heinrich Lee CaΓ±ete Pilones, taga lungsod sa Liloan.
Pasahero si SoroΓ±o ni Rene Misa, 54, kinsa naangol sab sa maong disgrasya dihang nakaligis siya ug iro nga kalit nga nitabok sa karsada.
Naigo gyud ang ulo ug kalawasan ni SoroΓ±o kinsa Grade 5 teacher sa naasuyng eskwelahan ug wala na gyud matabang bisan pa ug gidala sa Eversley Hospital and Child Sanitarium.
Si SoroΓ±o nga nagpuyo sa Barangay Cubacub kinsa ilado kaayo sa ilang eskwelahan sa ngalan nga “Mam Weng” gipangga sa kadaghanan sa iyang mga co-teachers, mga estudyante ug ilang ginikanan lakip na sab sa mga kanhi niya estudyante.
“Today, we honor a remarkable teacher whose impact goes far beyond the classroom walls. You have not only shared knowledge but have also shaped lives. Through your patience, passion, and dedication, you have inspired us to think deeply, dream big, and believe in ourselves,” segun sa FB post sa usa sa mga maestra sa maong eskwelahan.
Laing usa miingon nga paborito niya nga maestra si SoroΓ±o samtang daghan pa usab ang nipadangat sa ilang kasub-anan sa maong maestra nga hapit na unta muretiro.
“Rest in Peace ma’am Reywena Sorono πthis is indeed a heartbreaking news. You were my fave teacher when I was in grade 6,” matud pa sa maong kanhi estudyante nga si Wilmalyn Escalan.
Naareglo ra ang hitabo sanglit disgrasya man tungod sa iro nga kalit nga nitabok sa karsada ug nalatayan sa ligid sa nagsunod nila nga sakayanan si SoroΓ±o, subo gayud ang hitabo sanglit bugti niini ang kinabuhi sa usa ka maestra nga maayo ug gawi ug binuhatan./via AGL
π· AGL/ctto
