GENERAL SANTOS CITY- Libre ra ang bayad sa ospital sa mga taga General Santos City.
Pinaagi sa “No Balance Billing (NBB),” nga programa makabenepisyo niini ang usa ka mulopyo sa siyudad segun pa ni reelected Gensan City Mayor Lorelie Geronimo Pacquiao.
Kining maong programa gikalipay sa mga mulopyo gani dunay usa ka pasyente nga si Aida Mudia, 70, usa ka senior citizen nga na-admit bag-o lang, gi-post sa Facebook sa usa sa mga paryente sa maong pasyente nga wala gyud silay nabayran bisan usa ka sentimo sa ilang kapin sa P500, 000 nga billing niadtong Hulyo 2 pag-gawas nila sa Dr. Jorge P. Royeca City Hospital.
Napahimuslan nila ang Emergency Assistance for Indigent Patients (EAPIP) sa city government ingon man ang ilang PhilHealth coverage.
Dunay laing programa sab ang siyudad nga gitawag ug Auxiliaries and Medical Program for Individuals and Needy Generals (AMPING) nga alang sab sa adto ma-admit sa private hospitals. Sanaol!
