TALISAY CITY- Gikalipay ni Talisay City Mayor Gerald Anthony “Samsam” Gullas ang silver medal nga naangkon sa World Boxing Cup didto sa Astana, Kazakhstan sa Talisaynon nga si Jay Bryan Baricuatro.
Ang 19-anyos nga garbo sa Barangay Lagtang, Talisay City napildi sa hometown boxer nga si Sanzhar Tashkenbay sa -50kg division sa maong torneyo apan alang sa Mayor dako kini nga kalampusan ug garbo sa Pilipinas ingon man sa Talisay City mismo.
“Ang imong achievement kadaugan sa tibuok Talisay. Kadaugan ni sa tanang misalig nimo, sa tanang nakakita sa imong paningkamot, ug sa tanang kabatan-onan nga imong napukaw ang paglaom,” sumala pa sa Mayor diha sa iyang Facebook post kinsa nidugang,” Youβve made us even prouder to call ourselves Talisaynons. Thank you for every punch you threw with heart, every round you stood your ground, and every sacrifice behind the scenes. You fought with honor and gave everything for the flag and for Talisay.”
Napildi 5-0 sa tanang judges si Baricuatro apan alang sa mga boxing experts, kwestyunable ang maong kadaugan sa iyang kontra sanglit sa 2nd round wala iphi ug knockdown ang Kazakh nga nakatindog hinoon dayun bisan ug klaro kini human maigo sa solid nga 1-2 combination.
Diha ra ang laay pa gyud sa 3rd round kay giiphan si Baricuatro human matagak ang iyang mouthpiece.
Bisan unanimous ang kadaugan sa hometown bet apan ang naangkon nga silver medal ni Baricuatro maoy labing nindot alang sa Philippine team sanglit siya na lang ang nahabilin sa 5-man boxing team nga gipadala sa maong torneyo.Β Pulos nidaug ug bronze sila si Mark Ashley Fajardo (-65kg) ug Patricia Mae Sumalinog (-48kg) sa women’s boxing./CCO
βΉ
