By JOSEPHUS QUIJANO
Chief Correspondent
Balhug karun sa presuhan sa Mabolo Police Station ang usa ka cashier nga mahuyang sa usa ka convenient store human siya gipadakop sa iyang store manager tungod sa iyang pagpangawat sa ilang Gcash account. Ang suspek nailhan lang sa alyas nga “KJ”, 22 anyos, lumad nga taga Mindanao apan kasamtangang nagpuyo sa Barangay Banilad, Cebu City.
Segun sa imbestigasyon sa Mabolo Police Station 5 nga dili lang kausa nabuhat sa suspek ang maong pagpangawat apan kalima na gyud ug labing uwahi ang kapin sa P2,000 nga kantidad hinungdan nga gipadakop na siya niadtong Huwebes sa gabii, Hulyo 3.
Si “KJ” mitug-an nga nabuhat niya ang pagpangawat tungod kay niya pa wala na siyay pang-sustento sa iyang lalaki nga hinigugma ug dili niya kaya nga buwagan siya niini hinungdan nga buhaton gyud niya ang tanan tungod lang sa mao niyang hinigugma.
Dako ang pagmahay nga iyang nabati sanglit siya usab ang “bread winner” sa ilang pamilya diin siya nagsuporta sa iyang upat ka manghud ug lola nga nahabilin sa Mindanao. Misaad ang maong suspek nga dili na niya usbon ang maong pagpangawat ug andam siya mangayo og pasaylo. Kaso nga Qualified Theft ang ipasaka batok sa maong cashier.
π· Mabolo Police Station via JQ
