By JOSEPHUS QUIJANO
Chief Correspondent
Gituhuang gitulis patay kaganihang kaadlawon, karung adlawa, Myerkules, Hunyo 2, 2025 ang usa ka taxi driver didto sa Sitio Kaisko Barangay Mactan nga sikbit sa Mactan Shrine, Lapu-Lapu City. Adunay samad-pinusilan ang biktima nga mulopyo sa Barangay Bankal sa naasuyng siyudad, driver sa MRG Taxi nga dunay plate number nga GAR 5286 ug body number 1627.
Ang mga mulopyo sa dapit nibutyag nga ilang nabati ang tulo ka mga buto sa pusil pasado ala 1:00 ang takna sa kaadlawon apan ang patayng lawas mga pasado alas 5:00 na sa buntag nadiskobrehan sa mga residente nga niagi sa dapit. Gituhuang tulis ang nahitabo sa biktima nga diha ra nagbuy-od sa driver’s seat sa taxi sanglit nahanaw ang iyang pitaka ug cellphone.
Padayon pa ang inbestigasyon sa Lapu-Lapu City Police Office (LCPO) sa panghitabo nga segun pa sa LCPO spokesman nga si PLTCOL Christian Torres usa sa ilang giya sa kaso ang makuha unya nga CCTV footages arun maestablisar kun kinsa ang responsable sa krimen./with a report from AGL
π· Jane Gallardo/AGL
