Kanding nga mikaon sa pananom sa suspek ra gyud ang hinungdan ngano nga “brutal” nga gipatay ang usa ka barangay tanod sa Barangay Tomonoy, Moalboal, Cebu. Ang biktima nga si Edilberto Mercedes Taborada, 44, nakaangkon ug daghang samad tinigbasan sa iyang lawas ug giputlan pa gyud sa iyang duha ka mga kamot.
Walay pagmahay sab nahitabo ang suspek nga si Leoncio Kataylo, 63, kinsa nirason nga grabe na gyud ang iyang kasuko ngadto sa biktima sanglit sab nagtuo siya nga gusto siyang patyon niini niadtong Dominggo sa gabii, Hunyo 29, dihang nagharong sila atubangan sa iyang panimalay. “Naupos na gyud akong pasensya. Wa na gyud…wa ko magbasol,” segun pa sa suspek nga nahinabi sa XFM Cebu.
Dugay na silang dunay panagbingkil labot sa binuhi nga kanding sa biktima nga segun sa suspek mangaon sa iyang mga tinanom nga lagutmon. Nigrabe ang ilang panagsungi niadtong nilabayng Semana Santa ug kanunay na siya nga baharan niini nga patyon.
Katarungan sa suspek nga klarong nakainom nga nanulong sa iyang balay ang biktima pasado alas 6:00Β niadtong Dominggo nga gani gilabay siya ug bato niini maong iyang gihapsan sa iyang hait pinute nga maoy iyang dad-on sa lawod sa panahon nga siya managat. Bisan pa ug samaran nakadagan pa ang biktima apan iya kining gigukod ug gitiwasan lakip na ang pagputol sa duha ka kamot niini tungod sa iyang grabeng kalagot.
Segun sa suspek nga andam niya nga serbisyohan sa bilangguan ang krimen nga iyang nahimo./CCO
π· BTv/photo credit
