Gibilin nga gisulod sa usa ka puwa nga cellophane ang patayng lawas sa usa ka puya nga lalaki nga bag-o pang natawo didto sa General Santos City. Nahitabo kini didto sa transport terminal sa Barangay San Isidro sa naasuyng siyudad mga alas 10:00 sa buntag niadtong Sabado, Hunyo 28.
Ang lady dispatcher sa maong e-jeep sa MGTC Transport Cooperative nga si Dianne Balado maoy nakadiskubre sa maong puya human sab niduol kaniya ang usa ka senior citizen nga pasahero nga dunay nahabilin nga plastic sulod sa sakyanan. Gibugkos pa ang cellophane nga gihimong tulo ka sapaw ug didto ang maong puya nga wala nay kinabuhi.
Wala masuta kun kinsa ang pasahero nga nibilin sa maong cellophane ug ang puya gilubong na ug tarong sa General Santos Public CemeteryΒ Β ni San Isidro Barangay Captain Edward Frederick Yumang./CCO
