Magtigum didto sa Bohol ang 80 ka mga CatholicΒ bishops sa nasud alang sa pagpahigayun sa 130th Annual Retreat and Plenary Assembly sa mga sakop sa Catholic Bishops Conference of the Philippines (CBCP).
Ipahigayun sugod sa Hunyo 30 hangtud sa Hulyo 7, ang retreat sa mga Obispo ipahigayun sa Bohol Tropics sa Tagbilaran City gikan sa Hunyo 30 ngadto sa Hulyo 4 samtang ang plenary ipahigayun Hulyo 5-7 didto sa Bugna Si-e Resort sa lungsod sa Anda.
Pangulohan mismo ni CBCP President Cardinal Pablo Virgillio “Ambo” David, ang Bishop sa Caloocan ang maong relihiyuso nga panagtigum.
Tukion sa panagtigum ang “Synod on Synodality” nga inisyatibo sa nitaliwan nga si Pope Francis diin ihan-ay sa mga Obispo unsaon kini pag-implementar sa nasud arun mulambo pa ang simbahang katoliko ug makaayo sa katawhan.
Si Diocese of Tagbilaran Bishop Albert Uy niawhag sa katawhan nga i-ampo ang kalampusan sa usa ka semana nga tigum nga iyang gihulagway nga “honor and blessing” alang sa Bohol.
Lakip sa tumong sa tigum ang CBCP election arun hulipan sila si Cardinal David ug Bishop Mylo Vergara sa Pasig, ang CBCP Vice President./CCO
