Patay diha-diha ang usa ka tawo human kini gigulgol sa liog sa iyang mga gikainom nga giingong gisabaan sa iyang yabag nga tingog atul sa ilang pag videoke didto sa Sitio Banban, Barangay Looc, Villanueva, Misamis Oriental.
Giila ang biktima nga si Allan Dayle, 48, usa ka mag-uuma sa naasuyng dapit.
Hugot hinoon nga gipanghimakak sa manag-amahan nga sila Hector Cabungcal, 52 ug Aldrin Cabungcal, 23, ang pamasangil apan ang igsoon sa biktima nga si Narciso Dayle maoy nitug-an sa kapolisan nga ang mga suspek mismo niangkon sa krimen.
Nag videoke matud pa sila niadtong Sabado sa gabii samtang nag-inom, Hunyo 28 ug nagpunay ug kanta ang biktima nga giingong dili maayo ang tingog.
Nagkalalis pa una bag-o pa ang pagpang-gulgol gamit ang sanggot hinungdan nga namatay diha-diha ang biktima.
Giandam na ang kasong murder batok sa mga suspek. /CCO
