DAVAO CITY- Ibaligya na ang balay nga gipuy-an ni kanhi Presidente Rodrigo Duterte didto sa Davao City.
Mismo ang iyang live-in partner nga si Honeylet AvanceΓ±a nikumpirmar nga “for sale” ang maong balay didto sa DoΓ±a Luisa Village sa Barangay Matina sa naasuyng siyudad.
Gitauran ug tarpaulin nga “For Sale” ang maong balay nga namatikdan dayun sa mga residente apan gitangtang na kini human kini nakita niadtong nilabayng Sabado.
Matud pa ni AvanceΓ±a nga ila nang giabandonar ang balay apan wala pa kini mubutyag kun nahalin na gyud ang maong propyedad.
Gipadayag ni AvanceΓ±a nga emosyonal sa matag higayon nga musulod siya sa maong balay nga dunay sila nagpuyo uban sa ilang anak nga si Kitty Duterte.
“Masakit sa dibdib ko every time I go inside. Ako na lang ang pumapasok diyan. May apat na katulong pero walang amo. We abandoned it after what happened,” segun pa sa report sa ABS CBN Davao kinsa nikutlo sa text message ni Avancena ngadto sa Manila based DZRH.
Apan sa iyang bahin ang kamagwangan nga anak sa kanhi Presidente nga si Congressman Paulo Duterte nipaklaro nga ang iyang amahan dili gusto nga ibaligya ang maong propyedad tungod sa sentimental value niini.
Ang maong balay maoy labing una nga gipuy-an sa kanhi presidente kinsaΒ gipreso na karun didto sa Scheveningen Prison, ang ICC detention facility sa The Hague, Netherlands human sa pag-aresto kaniya niadtong Marso.
ang karaang balay ni kanhi Presidente Duterte nga gikatahu nga gustong ibaligya
Si Congressman Duterte niduaw sa iyang amahan ning bag-o lang ug iya kining gipangutana bahin sa tinguha nga ibaligya ang maong propyedad./CCO
